Pedri Messinin rekordunu qırdı

“Barselona”nın yarımmüdafiəçisi Pedri Kataloniya klubunun heyətində İspaniya çempionatında 150-ci rəsmi oyununu keçirib.

Publika.az xəbər verir ki, bu barədə “Opta” məlumat yayıb.

Mənbənin bildirdiyinə görə, yubiley qarşılaşma La Liqanın 16-cı turuna təsadüf edib. Dekabrın 13-də 23 yaşlı ispan futbolçu “Osasuna” ilə matça start heyətində çıxıb və görüş “Barselona”nın 2:0 hesablı qələbəsi ilə başa çatıb.

Bu oyun Pedri üçün əlamətdar olub. O, “Barselona” tarixində La Liqada 150 oyun keçirən ən gənc futbolçuya çevrilib və bununla da 2010-cu ildə Lionel Messi tərəfindən müəyyən edilmiş rekordu geridə qoyub.

Messi İspaniya çempionatında 150-ci oyununu 23 yaş 121 günündə, 23 oktyabr 2010-cu ildə “Saraqosa” ilə qarşılaşmada (2:0) keçirib. Pedri isə bu həddə 23 yaş 18 günündə çatıb.

Pedrinin La Liqada 150 oyuna çatması üçün 5 ildən bir qədər artıq vaxt lazım olub. O, İspaniya çempionatında “Barselona”dakı debütünü 27 sentyabr 2020-ci ildə “Vilyarreal”a qarşı matçda edib.

Heybət