İdman

Hindistanlı qız Suaresə həyatının şokunu yaşatdı - VİDEO

15 Dekabr 2025 10:32

"İnter Mayami"nin futbolçusu Luis Suares sosial şəbəkələrdə gündəmə gəlib.

Publika.az xəbər verir ki 39 yaşlı ulduz komanda yoldaşı və dostu Lionel Messi ilə birlikdə Hindistana səfərə gedib. Ulduzların şərq ölkəsindəki macəraları və orada baş verənlərlə bağlı məlumatlar vermişik.

Suaresin bu səfəri heç vaxt unutmayacağını qeyd edə bilərik. Uruqvaylı forvard 20 illik karyerasının əsas şokunu məhz Hindistanda yaşayıb.

O, keçirilən tədbirlərdən birində yerli qızlarla futbol oynayıb və buna peşman olub. "Kvardrat" oyunu zamanı 70 nömrəli formada olan qız topu onun ayaqları arasından keçirib. Bu zaman Luis həyatının şokunu yaşayıb və hisslərini emosianal şəkildə biruzə verib.

Bu görüntü sosial şəbəkələrdə sürətlə yayılıb və böyük marağa səbəb olub.

Heybət