Ceyk Poldan özünə 750 minlik unikal hədiyyə - FOTO/VİDEO

Videobloqer və peşəkar boksçu Ceyk Pol özünə unikal hədiyyə edib.

Publika.az xəbər verir ki, amerikalı idmançı avtomobil kolleksiyasını "Ferrari Purosangue" modelinin fərdi versiyası ilə zənginləşdirib. Bu avtomobil əfsanəvi italyan brendinin tarixində ilk krossoverdir.

Söhbət standart modeldən yox, Dubayda fəaliyyət göstərən "Venuum Black" tüninq atelyesi tərəfindən xüsusi olaraq Ceyk Pol üçün hazırlanmış eksklüziv nümunədən gedir. Avtomobil fərdi aerodinamik komplekt və onu tamamilə bənzərsiz edən bir sıra unikal modifikasiyalarla təchiz olunub.

Xüsusi diqqət avtomobilin rənginə yönəlib. "Ferrari" keramika boz çalarda boyanıb ki, bu da Polun şəxsi üslubuna tam uyğundur. Onun şəxsi təyyarəsi və digər lüks avtomobili "Mercedes-Maybach GLS" də məhz eyni rəngdədir. Kontrast yaratmaq üçün salon parlaq sarı rəngdə tərtib olunub və bu, krossoverin idman xarakterini ön plana çıxarır.

Bu unikal "Ferrari Purosangue" versiyasının dəyəri təxminən 750 min ABŞ dolları təşkil edir.

Xatırladaq ki, dekabrın 19-da Ceyk Pol Entoni Coşua ilə döyüşəcək.

Heybət

Bu gönderiyi Instagram'da gör

Jake Paul (@jakepaul)'in paylaştığı bir gönderi

Bu gönderiyi Instagram'da gör

Jake Paul (@jakepaul)'in paylaştığı bir gönderi