"İnter Mayami" pul qazanmaq üçün bu yola əl atdı: Messinin ayağı dəyən qazon satılır - FOTO/VİDEO

2025-ci ildə MLS finalında qələbə qazandıqdan sonra “İnter Mayami” klub stadionunun orijinal qazonunun satışına başlayıb.

Publika.az xəbər verir ki, final matçında Lionel Messinin komandası “Vankuver Uaytkaps”ı 3:1 hesabı ilə məğlub edərək tarixində ilk dəfə MLS çempionu olub.

İndi azarkeşlər klub tarixində mühüm hadisələrin baş verdiyi meydançadan bir parça əldə edə bilərlər. Söhbət “İnter Mayami”nin 2020-ci ildə MLS-də debüt mövsümündən, Lionel Messinin kluba gəlişindən və MLS Kuboku da daxil olmaqla ilk titulların qazanılmasından gedir.

Klub bir neçə suvenir variantı təklif edir. Klassik qutu akril kubda yerləşdirilmiş qazon parçasından ibarətdir. Premium versiyada isə qazon metal bilet və qızılı oyma ilə təqdim olunur. Bundan əlavə, “İnter Mayami”nin meydançasındakı otu xatırladan breloklu suvenirlər də satışdadır.

Suvenirlərin qiyməti 50 dollardan 750 dollara qədər dəyişir. Ön sifariş artıq klubun rəsmi saytında mümkündür. Çatdırılma 2026-cı ilin yanvarından etibarən başlayacaq və bütün dünya üzrə həyata keçiriləcək. Bu layihə azarkeşlərə klub tarixinin real bir hissəsini evlərinə aparmaq və MLS-də yaşanan unudulmaz anları yaddaşlarında saxlamaq imkanı yaradır.

Heybət

Today we celebrate the Original Grass. Keep a piece of our history ✅

Pre-order the original grass of Inter Miami CF Chase Stadium ↬ https://t.co/b96KYDR5jI pic.twitter.com/8R96HJXiH0

— Inter Miami CF (@InterMiamiCF) December 19, 2025