İdman

ABŞ-dan uzaq durun: Blatter azarkeşləri DÇ-2026-nı boykot etməyə çağırdı

27 Yanvar 2026 11:21

FİFA-nın keçmiş prezidenti Yozef Blatter azarkeşlərə 2026-cı il dünya çempionatı üçün ABŞ-a səyahət etməməyi tövsiyə edib.

Publika.az xəbər verir ki, daha əvvəl hüquqşünas və cinayət hüququ professoru Mark Pit İsveçrənin "Tagesanzeiger" qəzetinə verdiyi müsahibədə Amerikadakı mövcud vəziyyəti qiymətləndirmişdi.

"Siyasi rəqiblərin marginallaşdırılması, immiqrasiya rəsmiləri tərəfindən zorakılıq və ölkə daxilində gördüyümüz digər şeylər azarkeşləri səyahət etməyə təşviq etmir", - Pit bildirib.

Blatter özünün “X” hesabında Pitin müsahibəsindən sitat gətirib.

"Düşünürəm ki, Mark Pit bu Dünya Kubokunu şübhə altına almaqda haqlıdır.

Azarkeşlərə yalnız bir məsləhətim var: ABŞ-dan qaçın! Onsuz da televiziyada daha yaxşı görünür.

Gəldikdən sonra azarkeşlər hakimiyyətlə düzgün davranmasalar, dərhal evə göndəriləcəklərinə hazır olmalıdırlar. Əgər şanslıdırlarsa...", - deyə Blatter yazıb.

Publika.az