İdman

"Barselona" ulduz futbolçunu sata bilər: Bu qiymətə

10 Mart 2026 15:35

Uruqvay millisinin mərkəz müdafiəçisi Ronald Arauxo yay transfer pəncərəsində “Barselona”nı tərk edə bilər.

Publika.az xəbər verir ki, bu barədə "El Nacional" nəşri məlumat yayıb.

Mənbənin sözlərinə görə, “Barselona” rəhbərliyi yayda komandanın müdafiə xəttində yenidənqurma aparmağı planlaşdırır və Arauxo klubu tərk edə biləcək futbolçulardan biridir.

İspaniya çempionu 27 yaşlı uruqlvaylı müdafiəçini 30 milyon avro qarşılığında satmağa hazırdır. Ona “Nyukasl”, PSJ, “Bayern”, “İnter” və “Liverpul” maraq göstərir.

Arauxonun “Barselona” ilə müqaviləsi 2031-ci ilin yayına qədər qüvvədədir. Futbolçunun transfer dəyəri 25 milyon avro qiymətləndirilir. Cari mövsümdə uruqlvaylı müdafiəçi kataloniyalıların heyətində bütün turnirlərdə 26 oyuna çıxıb və 3 qol vurub.

Xatırladaq ki, ötən ilin dekabrında Arauxo bir sıra uğursuz çıxışlardan sonra mənəvi bərpa üçün karyerasında qısa fasilə götürmüşdü.

Heybət