"Nyukasl"da narazılıq: Rəhbərliklə görüşdə nə yaşanıb?

“Nyukasl”ın baş məşqçisi Eddi Haunun komandadakı gələcəyi sual altındadır.

Publika.az xəbər verir ki, bu barədə "Daily Mail" məlumat yayıb.

Klub rəhbərliyi ilə 48 yaşlı mütəxəssis arasında görüş keçirilib və burada komandanın inkişaf istiqamətləri, eləcə də yay transfer strategiyası müzakirə olunub.

Mənbələrin bildirdiyinə görə, “sağsağanlar” mövsümün sonunda Avropa kuboklarına vəsiqə qazana bilməsə, Hau komandanı tərk edə bilər. Klub rəhbərliyi məşqçiyə bildirib ki, mövcud büdcə heyəti ciddi şəkildə gücləndirməyə imkan vermir. Bununla belə, “Nyukasl” növbəti mövsüm üçün avrokuboklara vəsiqə qazana bilsə, vəziyyət dəyişə bilər.

Bildirilir ki, Hau klubun bu mövqeyindən ciddi narazı qalıb və gələcəyi ilə bağlı düşünməyə başlayıb.

Eddi Hau 2021-ci ildən “Nyukasl”a rəhbərlik edir. Bu müddətdə o, komanda ilə 224 oyun keçirib, 114 qələbə qazanıb, 42 heç-heçə edib və 68 məğlubiyyət yaşayıb. Hazırda komanda İngiltərə Premyer Liqasında 31 turdan sonra 42 xalla 12-ci pillədə qərarlaşıb.

Heybət