7 təcavüzdə ittiham olunan ulduz futbolçu məhkəmə qarşısına çıxdı
Bizi izləyin
Aptekonline

İdman

7 təcavüzdə ittiham olunan ulduz futbolçu məhkəmə qarşısına çıxdı

7 təcavüzdə ittiham olunan ulduz futbolçu məhkəmə qarşısına çıxdı

"Arsenal"ın sabiq müdafiəçisi Tomas Parti ona qarşı irəli sürülən iki yeni zorlama ittihamını qəbul etməyib.

Publika.az xəbər verir ki, bu barədə "Sky Sports" məlumat yayıb.

Sautvark Kral Məhkəməsində 32 yaşlı qanalı futbolçu 2020-ci ilin dekabrında Londonda baş verdiyi iddia olunan iki zorlama epizodu ilə bağlı günahını inkar edib. Hakim yeni ittihamların futbolçu ilə bağlı əvvəlki işlərlə birləşdirilərək birgə baxılmasına razılıq verib. Yeni epizodların əlavə olunması səbəbindən əvvəlcədən noyabr ayına planlaşdırılan məhkəmə prosesinin yanvar ayına təxirə salına biləcəyi bildirilib.

Xatırladaq ki, ötən ilin iyulunda Partiyə 2020 və 2021-ci illərdə baş verdiyi ehtimal olunan 5 zorlama və 1 cinsi zorakılıq ittihamı irəli sürülmüşdü. O, həmin ittihamları da qəbul etmir. Beləliklə, futbolçu ümumilikdə 7 epizod üzrə günahını inkar edir.

Qeyd edək ki, qanalı yarımmüdafiəçi ötən yay "Arsenal"dan ayrılaraq azad agent kimi "Vilyarreal" klubuna qoşulub.

Heybət

Oxumağa davam et
Reklam
Reklam

Gündəm

Aptekonline