Almaniya dünya çempionatlarında rekord qırdı

Almaniya millisi Kot-d'İvuar üzərində qələbədən sonra dünya çempionatlarında iradəli qələbələrin sayına görə liderliyə yüksəlib.

Publika.az xəbər verir ki, bu barədə “RİA Novosti” məlumat yayıb.

Bildirilib ki, Almaniya yığmasının hesabında dünya çempionatlarında 16 iradəli qələbə var. Bu göstərici üzrə ikinci yeri braziliyalılar tutur. Üçüncü pilləni isə Uruqvay, İsveç, İtaliya, İspaniya, Fransa və Niderland (6) bölüşür.

Görüş 2:1 hesabı ilə başa çatıb. Matçın 30-cu dəqiqəsində Kot-d'İvuar millisinin oyunçusu Frank Kessi hesabı açıb. 60-cı dəqiqədə almaniyalı futbolçu Deniz Undav hesabı bərabərləşdirib. Undav artıq əlavə olunmuş vaxtda Almaniyaya qələbə qazandırıb. E qrupunun turnir cədvəlində Almaniya altı xal toplayıb, Kot-d'İvuarın üç xalı var. Kürasao və Ekvadorun hər birinin isə bir xalı var.

Dünya çempionatı iyunun 11-dən iyulun 19-dək ABŞ, Meksika və Kanadada keçirilir. Hazırkı dünya çempionu 2022-ci ilin finalında Fransa millisinə qalib gələn Argentina yığmasıdır.

Sonuncu turda Almaniya millisi Ekvadorla, Kot-d'İvuar isə Kürasao ilə qarşılaşacaq.

Hüseyn İbadlı