PSJ-dən inqilabi qərar: Mükafat sistemində unikal yenilik
Bizi izləyin
Aptekonline

İdman

PSJ-dən inqilabi qərar: Mükafat sistemində unikal yenilik

PSJ-dən inqilabi qərar: Mükafat sistemində unikal yenilik

PSJ-də yeni bonus sistemi tətbiq edilib.

Publika.az xəbər verir ki, futbolçular yalnız qol və məhsuldar ötürmələrə görə deyil, həm də “pre-assist”lərə (assistdən əvvəlki ötürmələrə) görə maliyyə baxımından mükafatlandırılır. Bu barədə "L’Equipe" nəşri məlumat yayıb.

Bildirilir ki, assistdən əvvəlki ötürməni verən oyunçular qol və assistlər üçün nəzərdə tutulan bonuslarla eyni məbləğdə mükafat alırlar. Bu yanaşma klubun kollektiv oyuna və hücumların qurulma mərhələlərinə verdiyi önəmi göstərir.

Bu göstəricidə komandanın lideri Vitinyadır. Onun hesabında 13 “pre-assist” var. Bu ötürmələr müxtəlif formada ola bilər. Bəzən rəqib qapısından uzaqda edilən və hücumun başlanmasına şərait yaradan sadə ötürmələr, digər hallarda isə cinah oyunçularına ünvanlanan dəqiq ötürmələr olur ki, onlar da sonradan cərimə meydançasına ötürmə edirlər.

Bu sistem PSJ-nin statistikada çox vaxt görünməyən dərin oyunqurucu töhfələri də qiymətləndirdiyini nümayiş etdirir.

Heybət

Oxumağa davam et
Reklam
Reklam

Gündəm

Aptekonline