Məşhur stadionun yanğından sonrakı ilk görüntüləri yayımlandı - FOTOLAR

İsveçrənin “Bazel” klubu rəsmi saytında “Sankt-Yakob Park” stadionunda baş vermiş yanğınla bağlı açıqlama yayıb.

Publika.az xəbər verir ki, hadisə baş verdiyi ərazidən fotolar da təqdim edilib.

“2026-cı il aprelin 10-u gec saatlarda “Sankt-Yakob Park” stadionunda - komandamızın soyunub-geyinmə otaqları yerləşən hissədə yanğın baş verib. Yanğının başvermə səbəbləri hələlik tam müəyyənləşdirilməyib.

Hadisə yerində ilkin rəsmi istintaq tədbirləri aprelin 14-ü səhər saatlarınadək davam edib. Bundan sonra obyekt üzərindən rəsmi möhür götürülüb və həmin günün ikinci yarısında sığorta şirkətlərinin nümayəndələri, eləcə də yanğından sonra bərpa işləri üzrə ixtisaslaşmış müxtəlif qurumlar tərəfindən ərazilərə baxış keçirilib və ilkin ziyanın qiymətləndirilməsinə başlanılıb. Mövcud məlumatlara əsasən, yanğının ocağı sauna zonasında yerləşib”, - deyə açıqlamada bildirilib.

Hadisə nəticəsində bu stadionda ötən həftə sonu keçirilməli olan İsveçrə Superliqasının 33-cü turunun “Bazel” - “Tun” oyunu təxirə salınıb.

Heybət