Rusiya İnfantinoya qarşı

Rusiya Futbol İttifaqının (RFU) keçmiş prezidenti Vyaçeslav Koloskov Beynəlxalq Futbol Assosiasiyaları Federasiyasının (FİFA ) prezidenti Canni İnfantinonu tənqid edib. Daha əvvəl İnfantino növbəti dəfə FİFA prezidenti postuna namizədliyini irəli sürəcəyini bildirib.

Publika.az xəbər verir ki, Koloskov onu Rusiyanı müdafiə etməməkdə ittiham edib.

“O, Rusiya üçün faydalı heç bir iş görməyib. İnfantino sadəcə milli komandalarımızı və klublarımızı FİFA-nın himayəsi altında beynəlxalq yarışlarda iştirakdan məhrum etdi. Ondan heç bir müsbət addım müşahidə edilməyib və ya gözlənilmir. Başqa bir prezidentin belə bir vəzifəni necə yerinə yetirəcəyi bəlli deyil. Əgər o, seçilərsə, Rusiya futbolunun inkişafı baxımından heç bir irəliləyiş görmürəm. İnfantino Dünya Kuboku islahatına görə də tənqidə layiqdir. Komandaların sayı və formatı ilə razı deyiləm. Bəlkə növbəti Dünya Kuboku üç qitədə keçiriləcək? Nə olsun ki. Onun nailiyyətləri barədə danışa bilmərəm; mən idarə heyətinin üzvü deyiləm və baş verən hər şeydən xəbərsizəm”, – deyə Koloskov bildirib.