Messi ilə Mbappenin birgə oynamasının çətinliyi - Poçettino açıqladı

PSJ-nin keçmiş baş məşqçisi, hazırda ABŞ milli komandasına rəhbərlik edən Maurisio Poçettino 2021/2022 mövsümündə ulduz hücum üçlüyü – Kilian Mbappe, Lionel Messi və Neymarla işinin təfərrüatlarını bölüşüb.

Publika.az xəbər verir ki, “Mundo Deportivo” Poçettinonun sözlərini sitat gətirib:

“Messi oyunu asta-asta, qarşılıqlı təsirlər və ötürmələr vasitəsilə qurmaq istəyirdi. Çünki topu saxlamaq və bir, iki, üç rəqibin yanından keçmək üçün kifayət qədər bacarığı var. Amma Mbappeyə üstünlük versəydik, Messi ilə oynaya bilməzdik.

Ancaq Mbappe müdafiədə olarkən və topu geri qazanarkən boşluq axtarırdı. Məqsəd topu ona vermək və qaçmasına şərait yaratmaq idi. Amma Messiyə hesablanmış taktika ilə oynadığımız zaman Mbappe mənə deyirdi ki, mənim əsas keyfiyyətim sürətdir, amma ondan istifadə edə bilmirəm’”.

Poçettino Neymar haqqında “o, yalnız topla oynamaq istəyirdi” deyib.

Maurisio Poçettino PSJ-nin baş məşqçisi vəzifəsindən 2021/2022 mövsümünün sonunda azad edilib.