Azərbaycanlı Rusiyada federasiya prezidenti seçildi

Emil Əliyev yekdilliklə yenidən Rusiya Mini-Futbol Assosiasiyasının prezidenti seçilib.

Publika.az xəbər verir ki, qərar avqustun 7-də Moskvada təşkilatın hesabat-seçki konfransında qəbul edilib.

Əliyev daha beş il AMFR-ə rəhbərlik edəcək. O, 2011-ci ildən bəri prezidentlik vəzifəsini icra edir və dördüncü dəfə nümayəndələrin dəstəyini qazanıb. Əliyev əvvəllər 2016, 2021 və 2026-cı illərdə yekdilliklə yenidən seçilib. Konfransda həmçinin AMFR-in vitse-prezidentləri və icra komitəsi də müəyyən edilib.

Assosiasiyanın 1992-ci ildə ilk prezidenti onun təsisçisi Semyon Andreyev olub. 2011-ci ildə o, namizədliyini Əliyevin xeyrinə geri götürüb və təşkilatın fəxri prezidenti olub. Konfransda regionlardan nümayəndələr, tərəfdaşlar, mini-futbol və Rusiya milli komandasının veteranları iştirak ediblər.

Qeyd edək ki, Emil Əliyev əslən Azərbaycandandır. 1978-ci ildə Bakıda anadan olub. Pedaqoji elmlər doktoru və professordur. Rusiya Federasiyasının Əməkdar Bədən Tərbiyəsi Xadimi adına layiq görülüb (16 oktyabr 2019). Bədən tərbiyəsi və idman sahəsində bir neçə monoqrafiya və elmi nəşrin müəllifidir.