İdman

Qvardiola Mourinyo haqqında serialda buna görə çəkilməyib

12 Avqust 2026 17:36

Avqustun 11-də “Netflix” yayım xidməti “Real Madrid”in baş məşqçisi Joze Mourinyo haqqında üç hissəli sənədli film yayımladı.

Publika.az xəbər verir ki, “Barselona”, “Bayern” və “Mançester Siti”nin sabiq baş məşqçisi Xosep Qvardiola çəkilişlərdə iştirak etməyə razılıq verib, amma sonda layihədə görünməyib.

Layihənin rejissoru Co Perlmanın sözlərinə görə, rejissorlar ispan mütəxəssisə müsahibə vermək təklifi ilə müraciət ediblər. Qvardiola razılaşsa da, bir şərt irəli sürüb.

“Bəli, Peplə əlaqə saxladıq. O, müsahibəyə razılıq verdi, amma yalnız Jozenin şəxsən ona müraciət etməsi şərti ilə. Bunun necə bitdiyini təsəvvür edə bilərsiniz”, – deyə “The Sun” qəzeti Perlmanın sözlərini sitat gətirib.

Mourinyo və Qvardiola uzun müddət ki, La Liqada və Premyer Liqada barışmaz rəqib olublar.

Publika.az