• USD 1,7000 0,00% EUR 2,0061 +0,73%
    • GBP 2,2185 +0,22% RUB 0,0231 0,00%

Daha iki xidmət elektronlaşdırıldı

  • İKT
  • 4 Aprel 2017 22:51
  • 785 Baxış
Daha iki xidmət elektronlaşdırıldı

Nəqliyyat, Rabitə və Yüksək Texnologiyalar Nazirliyi Məlumat Hesablama Mərkəzinin (MHM) operatoru olduğu "Elektron hökumət" portalına daha 2 elektron xidmət inteqrasiya olunub.

Publika.az xəbər verir ki, Əmək və Əhalinin Sosial Müdafiəsi Nazirliyi (ƏƏSMN) tərəfindən elektronlaşdırılaraq təqdim edilən yeni xidmətlər "Sığortaolunanın ölümünə dair məlumatın onlayn qəbulu" və "Məcburi dövlət sosial sığortası üzrə hesabatların təqdim edilməsi" adlanır.
Hər iki xidmətdən istifadə üçün gücləndirilmiş elektron imzadan istifadə edilməlidir.
ƏƏSMN-nin fəaliyyət sahələrinin avtomatlaşdırılması nəticəsində bu sahələr üzrə artıq 28 elektron xidmət əhalinin istifadəsinə verilib. Həmin elektron xidmətlərdən istifadəyə maraq getdikcə artmaqdadır. Bu maraq nəticəsində cari ilin ilk rübündə nazirliyin elektron xidmətlərinə müraciətin sayı 2 mln. 623 min 88 olub.
Qeyd edək ki, yeni xidmətlərin inteqrasiyasından sonra "Elektron hökumət" portalında elektron xidmətlərin sayı 433-ə çatdırılıb. (report)

Halal Nemət

Xəbər lenti

DAHA ÇOX XƏBƏR