Ekopublika.az

Neft Şirkəti büdcəyə 127 milyon manat ödəyib

10 Avqust 2016 17:55

Dövlət Neft Şirkəti tərəfindən 2016-cı ilin iyul ayında dövlət büdcəsinə 127 milyon 110 min manat vəsait ödənilib.

Publika.az şirkətə istinadən xəbər verir ki, cari ilin yanvar-iyul aylarında büdcəyə 788 milyon 852 min manat vəsait köçürülüb.

Bundan əlavə, bu ilin iyul ayında SOCAR Dövlət Sosial Müdafiə Fonduna 12 milyon 74 min manat vəsait ödənyib. Qeyd edək ki, bu göstərici ötən ilin iyul ayı ilə müqayisədə 901 min manat və ya 108,1 faiz çox olub. Ümumiyyətlə, 2016-cı ilin yanvar-iyul aylarında Şirkət tərəfindən Dövlət Sosial Müdafiə Fonduna ödəniş 81 milyon 606 min manat təşkil edib. Bu da ötən ilin analoji dövrü ilə müqayisədə 649 min manat və ya 100,8 faiz çoxdur.

İqtisadiyyat şöbəsi