Ekopublika.az

1 ayda 24 min daşınmaz əmlaka "kupça" verildi

12 Fevral 2022 04:19

Əmlak Məsələləri Dövlət Xidməti tərəfindən cari ilin yanvar ayı ərzində 24 min 101 daşınmaz əmlak üzərində mülkiyyət hüququnun qeydiyyatı aparılıb.

Xidmətdən Publika.az-a bildirilib ki, bu, ötən ilin yanvar ayı ilə müqayisədə 19,3 faiz çoxdur.

Aylıq göstəricinin 4101-i (17,02 faizi) ilkin, 20 mini (82,98 faizi) isə təkrar qeydiyyatın payına düşüb.

Mülkiyyət hüquqlarının qeydiyyatı aparılan əmlaklardan 3798-i fərdi yaşayış və bağ evi, 6835-i mənzil, 12 min 534-ü torpaq sahəsi, 293-ü qeyri-yaşayış binası, 576-sı qeyri-yaşayış sahəsi, 61-i əmlak kompleksi, 4-ü isə çoxmərtəbəli yaşayış binasıdır.

Qeyd edək ki, cari ilin yanvar ayı ərzində dövlət qeydiyyatına alınan daşınmaz əmlakların 6501-i Bakı şəhərinin, qalanları isə bölgələrin payına düşür.