Ekopublika.az

Rusiyada benzin də bahalaşdı

9 Oktyabr 2014 17:19

Rusiyada sentyabrın 29-dan oktyabrın 3-dək olan dövrdə Aİ-92 və Aİ-95 benzinlərinin qiyməti orta hesabla 10 və 8 qəpik bahalaşaraq müvafiq olaraq 32.51 və 35.09 rubl təşkil edib.

Publika.az xəbər verir ki, Aİ-92 benzinin maksimum bahalaşması Uzaq Şərq federal dairəsində müşahidə edilib. Burada benzinin qiyməti 21 qəpik bahalaşaraq 36.38 rubl olub. Minimal artım isə Cənub Federal dairəsində qeydə alınıb. Benzin 4 qəpik bahalaşaraq bir litr üçün 35.14 rubl təşkil edib.

Aİ-95 benzini ən çox Uzaq Şərq federal dairəsində bahalaşıb – 21 qəpik və bir litr üçün 38.39 rubl olub. Minimal artım isə Şimal-Qərb federal dairəsində qeydə alınıb. Burda benzin 3 qəpik bahalaşaraq bir litr üçün 35.14 rubl təşkil edib.

İqtisadiyyat şöbəsi