Çin və Türkiyədən gələn karqolar niyə gecikir? - Video

Xaricdən sifariş edilən bağlamalarda gecikmələr yaşanır. Alıcılar onlayn alış-verişlərdə problemlərin yarandığını deyirlər.

Publika.az Xəzər TV-yə istinadən xəbər verir ki, vətəndaşlar iddia edirlər ki, xüsusilə Çindən edilən sifarişlər 1 həftədən çoxdur ki, elə ilkin mərhələdə, hazırlanma prosesində qalıb. Həmin onlayn mağazadan isə alıcılara sifarişlərin çox olmasına görə gecikmələrin olduğu deyilib.

Bəs buna səbəb nədir?

Elektron ticarət üzrə mütəxəssislər deyirlər ki, alış-veriş zamanı müştərini cəlb etmək üçün 10 gün ərazində çatdırılma vəd edilir. Lakin bu müddət çox zaman 1 aya qədər çəkir.

Ekspertlərin sözlərinə görə, gecikmə çox zaman qeyri-iş, bayram və endirim günləri ilə bağlı olur. Məsələ ilə bağlı Azərbaycanda çatdırılma xidməti həyata keçirən karqo şirkətlərindən biri ilə də əlaqə saxladıq. Bildirildi ki, gecikmələrin səbəbi prosesin uzun çəkməsidir.

Ekspertlər belə olan halda müştərilərə sifariş verərkən gecikmə ola biləcəyini nəzərə almağı, bununla bağlı həmin şirkətin dəstək xidməti ilə əlaqə saxlamağı və çatdırılma ünvanı ilə şəxsi məlumatları dəqiqliklə təkrar gözdən keçirməyi məsləhət görürlər.

Mövzu ilə bağlı daha ətraflı videomaterialı təqdim edirik: