Biabırçı görüntüsü yayılan Cavanşir Məmmədov OD PÜSKÜRDÜ: “Kişi...” - VİDEO

Ötən həftə “Show news” verilişində Sami Orucun başına rəng qoyan kişi sənətçiləri lağa qoyub gülməsi yerli mediada uzun-uzadı müzakirələrə səbəb olub.

Publika.az xəbər verir ki, ARB TV-nin “Show news” verilişinə müsahibə verən Cavanşir Məmmədov Sami Orucu yıxıb-sürüyüb, daha sonra isə müxbiri hədələyib.

Kişilərin saçını rəngləməsi ilə bağlı verilən sualı eşidən Cavanşir Məmmədov od püskürüb gənc müğənnini ələ salmağa başlayıb: “Məgər saça rəng vurmaq “zapadlo”du? Özü “kalqotka” geyinir. Onu hara qoyaq? Kişi kalqotka geyinər?”.

Ünvanına deyilən sözlərdən əsəblərinə hakim kəsilə bilməyən Məmmədov danışdıqca daha da əsəbiləşib:

“Samir əyləncə mərkəzində gitara ilə suya yıxıldı, oradan çıxardıq onu. Biz onları dolandırmışıq, kömək eləmişik. Ona görə deyirəm ki, gərək danışığına nəzarət edəsən, sərhəd qoyasan. Gör, gəlib hara ilişir.

Telefonda danışdım, dedi ki, mənim haqqımda heç nə deməyib, onlar özləri qurublar bunu. Guya mənim şəklimi qoymusuz. Düz deyir, siz eləmisiz. Mən fikrimi izah edirəm, sən isə fikirdən qaçırsan. Orada Saminin günahı yoxdur”.

Bir az sakitləşən Cavanşir Məmmədov hərdən “bəzi” müğənnilərin ondan dayaq durmadığına görə incidiyini bildirib:

“Televiziya dayaq durur. Kanallar var, radio var. Mən necə dayaq durum? Misal üçün, sən oxuyursan, mən sənə necə dayaq durum? De, mən bilim. Sən hansı mahnını yazdıranda ya Firuzə xanıma, ya da mənə dedin ki, gəlin filan mahnını yazdırmaq istəyirəm, baxın düz oxuyuram, yoxsa yox? Dəstək bizim tərəfimizdən belə ola bilər”.

Cavanşir Məmmədovun qalmaqallı müsahibəsindən görüntüləri sizə təqdim edirik:

Qeyd edək ki, bir neçə gün əvvəl Lider TV-nin “Xoş ovqat” verilişində qonaq olan əməkdar artistin ifası zamanı yol verdiyi qüsurlar sosial şəbəkədə kəskin tənqdi edilib.