Magazin1

Azərbaycanlı aktyordan ÇAĞIRIŞ: “Başa düşürəm, vəziyyət çətindir, amma...”

15 Aprel 2020 10:52

“Mən başa düşürəm, vəziyyət çətindir, sağlamlığımızı qorumalıyıq. Əlbəttə, tələblər qeyd-şərtsiz icra olunmalıdır. Amma sizdən xahiş edirəm, imkanınız çatırsa, maddi vəziyyətiniz imkan verirsə, müxtəlif heyvan sığınacaqlarına da yardımlar edəsiniz”.

Publika.az xəbər verir ki, bu sözləri tanınmış aktyor Sənan Əlləz instaqramda paylaşdığı fotoya qeyd edib.

“İmtahan” serialının ulduzu izləyicilərini heyvanlara laqeyd olmamağı səsləyib: “Əgər maddi yardım edə bilmirsinizsə, yemək yediyiniz zaman tökülmüş çörək qırıntılarını və ya evinizdə artıq qalan çörəkləri ovub pəncərənizin qarşısına, eyvanınıza qoyun, mütləq bir quş gəlib yeyəcək. Artıq qalmış yeməkləri zibil qutusuna tökməyin, ayrıca bir bağlamada zibil qutularına yaxın bir küncə qoyun. Mütləq bir sahibsiz it, pişik və ya hansısa sahibsiz canlı yeyəcək!”