Magazin1

Xalq artistindən qadınlıq dərsi: “Yalvarmaq bacarığını…”

29 İyun 2020 10:12

Xalq artisti Flora Kərimova sözləri Fikrət Qocaya, musiqisi Oqtay Kazımiyə aid olan “Qaytar eşqimi” mahnısının maraqlı hekayəsini bölüşüb.

Publika.az xəbər verir ki, görkəmli sənətkar bu ifasının onun çox “başını ağrıtdığını” bildirib.

“Bu “başağrısı” mahnılarımdandır! Mahnıya qadağa səbəbini o vaxtın rəhbərliyi – “siz bu ifanı sovet qadınına xas olan tərzdə ifa etmirsiniz. Bir az çəkingənlik, yalvarış lazımdır” sözləriylə izah edirdi”.

İfaçı göstərilən bəhanələrlə heç bir halda razılaşmadığını, qadınlıq qürurunu ifalarında da qoruduğunu vurğulayıb:

“Təbiətimdə olmayan xüsusiyyətləri oxuduğum mahnıya necə yansıtmaq olardı?! Allahım o “istedadı” - yalvarmaq bacarığını xasiyyətimdən əlləri ilə silib. Bu ifada da sevgi dilənən bir qadın görmürdüm deyə onlar dedi, mən dedim...

İllər sonra ifamla, mənim mahnıya münasibətimlə razılaşmalı oldular və efirdə öz təkidləri ilə səsləndirdilər”.