Xalq artisti HƏQİQƏTİ AÇIQLADI: “Yıxılana təpik vurmaq vərdişindən uzaqdır”

“Dostlar, bütün dünyanı sarsıdan bu bəla bizim də ölkəmizi çətin vəziyyətə salıb. Hamımız stress halında yaxınlarımızı qorumağa çalışırıq. Hər gərgin situasiyanı zarafatla yumşaltmaq istəyən şəxslər adətən intellektual insanlardır. Sözbazlığı edib, kiminsə fikrini təhrif edən bəzi insanlara təəccüb edirəm”.

Publika.az xəbər verir ki, bu sözləri Xalq artisti Brilliant Dadaşova oğlu Cahad Hacıyevin sosial şəbəkədə müzakirələrə səbəb olan statusu haqqında danışarkən deyib:

“Hoteldə bir neçə vətəndaşın səhv hərəkətini zarafatyana, istehza ilə şərhləndirib paylaşdığına görə Cahadın sözləri təhrif olunmuş şəkildə təqdim olunub və instaqram səhifələrinə yerləşdirilib. Bu məntiqsiz fikirləri anlamaq çətindir. Fəxr edirəm ki, oğlum yıxılana təpik vurmaq vərdişindən uzaq şəxsdir”.

Daha sonra sənətçi oğlunun bu yaxınlarda tələbələr üçün hazırladığı layihənin kölgədə qalmasına təəssüfləndiyini qeyd edib:

“Cahadın aztəminatlı ailələrdən olan şagirdlərin pul xərcləmədən institutlara hazırlaşması üçün öz şəxsi vəsaiti hesabına 2 ildən çox üzərində işləyib yaratdığı layihə bəzi insanların qısqanclığına səbəb olub. Odur ki, övladım haqqında yanlış fikir formalaşdırmaq istəyirlər. Bu dövlətin qanunları var. O insanlarla vəkil danışacaq, özü də məhkəmədə”.

Qeyd edək ki, məşhur müğənninin oğlunun “Fairmont Baku” hotelində karantin rejiminin pozulmasını qınayanlar haqda yazdığı postu müzakirələrə səbəb olub. O, “Ay “işverənlər”, sizə ona görə pis təsir edir ki, sizi “Fairmont”a dəvət etməyiblər” deyə yazıb.