Magazin1

Fəxrəddin Manafovun həyat yoldaşının son sözləri: "Sağalacam və..."

3 Mart 2021 12:25

"Vahidə xanım məni mənəvi oğlu adlandırırdı, çox yaxşı insan idi. Müalicə almaq istəmirdi, təkidim ilə xəstəxanaya yerləşdirdik".

Publika.az xəbər verir ki, bunu Xalq artisti Fəxrəddin Manafovun həyat yoldaşının vida mərasiminə qatılan Hacı Nuran deyib. O bildirib ki, əvvəllər Vahidə xanımın səhhətində problem olmayıb:

"Gümrah insan idi. Birdən-birə halı pisləşdi, keçən ay xəstəxanaya yerləşdirdik. Xəstəliyini özündən gizlədirdik, xahiş etdim ki, xəstəxanaya gedək və müayinələrdən keçin. Görək ki, səhhətinizdə nə probleminiz var. Vahidə xanım dedi ki, yalnız Hacı Nuran məni xəstəxanaya aparsa razı olaram. Xəstəxanaya getdik, müayinədən keçirdik. Xərçəng xəstəsi olmasını bilmirdi. Son sözü isə o oldu ki, sağalacam və məni Hacı Nuran xəstəxanadan çıxaracaq. Xəstəxanada qalmaq istəmirdi, Fəxrəddin müəllimə hər işində dəstək olurdu və onu çox sevirdi. Danışmaq çox çətindir. Böyük itkidir".

Foto: Pərviz Həşimi