O adam Rəşidə də, Bülbülə də çox böyük hörmətsizlik edir - VİDEO

“Bir də şansım olsa, heç vaxt bu sənəti seçmərəm. Çox çətin sənətdir. Paxıllıqlar var. Düzdür, bu, bütün sahələrdə var, amma bizim sənətdə daha çoxdur. Üzünə gülüb arxanca danışırlar. Bu camiyədə vicdanlı, şərəfli olmaq təəssüf ki, kök altındadır. Bax, bu nüanslara görə hərdən bu sənətdən uzaqlaşmaq istəyirəm”.

Publika.az xəbər verir ki, bu sözləri Xalq artisti Samir Cəfərov “Üzə-düz” verilişində deyib. Müğənni sənətdən yorulduğunu, peşman olduğunu bildirib:

“Qəlbimi qırırlar, amma hər kəsin öz qisməti var. Heç kim qismətindən artığını görmür. Qismət həm də insanın xarakteridir. Xarakterdə yaltaqlıq, xəyanət varsa, o da bir qismətdir. Ad üçün çalışmadım. Sənət üçün çalışdım. Mənə Rəşid Behbudovun, Bülbülün davamçısı deyirlər. O sözdən heç xoşum gəlmir. O sözü deyən adam Rəşidə də, Bülbülə də çox böyük hörmətsizlik edir. Davamçı o deməkdir ki, o, hansı işi yarımçıq qoyub, onu davam etdirirlər. Mən o fikirlə razı deyiləm. Diktor Rafiq Hüseynovun, Roza Cəlilovanın davamçısı ola bilməz! Onlar heç bir işi yarımçıq qoymayıb”.

Samir Cəfərov Əməkdar artist Sevda Ələkbərzadədən də bəhs edib:

“Dünya üçün Sevda Ələkbərzadə qədər maraqlı ifaçı ola bilməz. Səhnəyə çıxıb bütün dünyanı lərzəyə gətirən sənətçi yoxdur. Sevda Avropa, dünya estrada janrını mənimsəyib, muğam janrını da əlavə edə bilir. Azərbaycanı estrada tərəfdən dünyada təmsil edəcək müğənni Sevda Ələkbərzadədir. İkinci bir şəxs görmürəm. Sevda onların edə bilmədiklərini edir, onlardan da yaxşı edir. Bu gün Sevdanın maddiyyatı güclü olsaydı, o, indi dünyanı tutmuşdu. O adamın tamaşaçısı yoxdur. Onun zövqündə tamaşaçı yoxdur, nə etmək olar?”