Zaur Şuşadan ən özəl anlarını paylaşdı - VİDEO

“11 yaşıma dönmüşdüm. Hamıdan ayrılıb uşaq kimi ora-bura qaçırdım, kameranı qaldırıb özümü çəkəndə fikirləşirdim ki, bu kişi kimdir?! Endirəndə yenə də 11 yaşlı Zaur olurdum. Bəlkə də inanmazsınız, gəlib çəkdiklərimə baxanda gördüm ki, sən demə çox yer dağılıb, amma Allah şahiddir ki, mən orda bunu hiss etmədim”.

Publika.az xəbər verir ki, bu sözləri əslən Şuşadan olan aparıcı Zaur Baxşəliyev instaqramda yazıb.

Şuşadan yeni kadrlar paylaşan aparıcı ən ağır günlərini yada salıb və göz yaşlarına hakim ola bilməyib. O, duyğularını və xatirələrini izləyiciləri ilə paylaşıb: “Elə bilirdim hər şey uşaq vaxtı qoyub gəldiyim kimidir, çox qəribə duyğudur, anlada bilmirəm... Başa salmaq çox çətindir, çünki özüm də anlamıram 29 ilin ağırlığını bir gündə necə unutmaq olar? Heç kimi və heç nəyi necə xatırlamamaq olar? Telefona da cavab vermək istəmirdim, elə bilirdim hamı mənə mane olur. 11 yaşımda qalmış Zauru böyütdüm, atasının olmadığını başa saldım. Və körpəlik travmalarını sağaltdım. Böyüdüm bir sözlə, böyüdüm... Allah cəmi Şəhidlərimizə rəhmət eləsin, qazilərimizə can sağlığı versin, Amin”

View this post on Instagram

A post shared by ZAUR GUNAY (@zaur_gunay)