Əməkdar artist Şuşa səfərindən yazdı - FOTO

Mənən ucala bilsən Allaha daha da yaxınlaşarsan...Və bu yaxınlıq mənəvi dünyanı möcüzələr diyarına çevirər və insanı insan edər... Tanrı indi burdadır. Mən onu bu torpaqda görürəm. Tanrını duyduqca ruhumda gözəlliklər çiçək kimi açır, üstəlik vücudumu gözəl naxışlar və boyalarla bəzəyir. Qəlbim fərəh hissi ilə gül baxçasıdır.

Publika.az xəbər verir ki, bu sözləri əməkdar artist Gülzar Qurbanova ötən həftə Şuşada keçirilən “Vaqif poeziya günləri” haqqında təəssüratlarını bölüşərkən deyib.

Gövhər Ağa Məscidi və Cıdır düzündən fotolar paylaşan sənətçi dualar edib: “Allahu Əkbər deyib dünyaya hünər göstərən, qəlblərində rəhmlə zəhmin vəhdətini göstərən Azərbaycan Əsgəri! Məsciddən ətrafa yayılan o işığınız bol olsun. Allahın rənginə boyanmış Şəhid qardaşlarım. Bu dünya durduqca qəlbimizdəsiz. Bu günümüzə min şükür”.

Bu yaxınlarda səhhətində ciddi problemlər yaşadığını deyən Əməkdar artist bildirib ki, ümidsizliyə qapılanda vətənin, haqqın, həqiqətin və eşqin daima qalib gəldiyini düşünür və bu, ona rahatlıq gətirir.