Məşhur cütlüyün malikanəsi qarət edildi - FOTO

Viktoriya və Devid Bekhemin evi qarət edilib.

Publika.az xəbər verir ki, bu barədə "Nyu Post" məlumat yayıb.

Bildirilib ki, maskalı quldurlar cütlüyün Holland Parkdakı malikanəsinin üst mərtəbəsindəki yataq otaqlarından birinə ev sahibləri və onların 10 yaşlı qızı Harper yatarkən soxulublar. Cütlüyün oğlu Kruz gecə evə qayıdana və qarət edilmiş otaqda şüşə qırıqları tapana qədər oğurluq hadisəsindən heç kəsin xəbəri olmayıb.

"Xoşbəxtlikdən, cinayətkarlar qaçmazdan əvvəl yalnız bir yataq otağına girə biliblər", - polisin açıqlamasında deyilir. Mənbələr iddia edirlər ki, oğrular on minlərlə funt-sterlinq dəyərində paltar və ləvazimatları çıxarsa da, əsas odur, oğurluq zamanı ailədən heç kim xəsarət almayıb.

"Oğurlanmış əşyaların heç biri ailə üçün böyük sentimental dəyər daşımayıb", - xəbərdə qeyd edilib.

London polisi "The Sun"-a hadisəni araşdırdıqlarını təsdiqləyib və bildirib ki, oğurluqda neçə nəfərin əli olduğu aydın deyil.

Fevralın 28-dən martın 1-nə keçən gecə xoşagəlməz hadisənin baş verdiyi məlum olsa da, ailənin özü bu hadisəyə münasibət bildirməməyə üstünlük verib.