Xalq artisti qızına qalan sərvətindən danışdı

Sənətçilər var ki, qazanıb işinə xərcləyir, eləsi də var ki, hər hansı arzusunu, problemini həll edir. O sənətçilərdənəm ki, nə qədər çox qazancım olsa, bir o qədər də layihələrim olur. Bundan həzz alıram.

Publika.az xəbər verir ki, bu sözləri Xalq artisti Aygün Kazımova “10-da görüşək” proqramında deyib.

“Düşünürəm ki, etdiklərim doğrudur. Məndən sonra mirasım, tutaq ki, evim və sair, qızıma qalanlar yetər ona. Qalan şeylər, bunlar mal-mülkdür, Süleymana qalmayan dünya kimə qalacaq? Amma yaşayan mahnılarım, kliplərim, filmlərim, konsertlərim olacaq. Onlar ömür boyu yaşayacaq. Əşya isə xarab olub gedəcək”, - ulduz müsahibəsində bildirib.

A.Kazımova canlı əfsanə olması ilə bağlı suala isə belə cavab verib: “Zaman hər şeyi göstərir, önə çıxarır. Bunu deyən insanlara minnətdaram. Əfsanələşmə deyəndə yəqin ki, bu yol oraya gedir. Yəqin ki, bizim əfsanə, dahi sənətkarlarımız da bu yolları belə keçiblər. Yəqin ki, mənim yolum da gedib “Əfsanə xanım”ın evinə çatar”.