Magazin1

Adriana Lima festivala elə geyimdə gəldi ki... - FOTO

23 May 2022 11:35

Xəbər verdiyimiz kimi, həftənin əsas gündəmi Kann Film Festivalıdır.

Publika.az xəbər verir ki, tədbirdə nümayiş olunan filmlərlə yanaşı, qonaqların qırmızı xalı çıxışları da bir o qədər maraq doğurur.

Festival qonaqları arasında bu yaxınlarda ana olmağa hazırlaşan 40 yaşlı model Adriana Lima olub. Belə görünür ki, o, Rihannanın hamiləlik stilindən ilham alıb. Mayın 13-də oğul anası olan Rihannanın “çılpaq hamilə çıxışlar” dövrü artıq rəsmən başa çatsa da, bu ənənəni bir anda moda sənayesinin bir neçə məşhuru götürüb. Məsələn, Adriana Lima.

Braziliya gözəli həm Kann Film Festivalının qırmızı xalı keçidi, həm də “Chopard”ın ənənəvi tədbirində qarnını nümayiş etdirən modellərə üstünlük verib. Onun birinci qara rəngli geyimi “Balmain” markasına aiddir, tropik şifonlu, məxmər büstiyerli paltarı isə “Roberto Cavalli”dən seçib. Rihannanın çıxışları fonunda bu görüntünü hətta təvazökar adlandırmaq olar. Bu iki ulduz ananın başqa nə ortaq cəhəti var - hər ikisinin bu il bir oğlu oldu və olacaq.

Ən yaddaqalan məqamlardan biri də braziliyalı gözəlin sevgilisi Andre Lemmersin kameralar önündə modelin qarnını öpməsi olub.