Ərindən boşanan müğənni Mina: "Bu məsələ qalıb onun kişiliyinə" - FOTO

"Pula görə kimin nə hoqqadan çıxdığını bilmirəm. Ailə qurmuşam, hoqqa etməmişəm və pul görə də yox".

Publika.az xəbər ki, bu sözləri son günlərdə boşanma xəbərləri ilə gündəmdə olan müğənni Mina Hüseynova sosial mediada yazıb. Həyat yoldaşından boşanması ilə bağlı ünvanına yazılan iradlara sənətçi belə cavab verib:

"Həyat yoldaşımdan aldatdığına, yalanlar söylədiyinə görə ayrılmışam. Dəfələrlə yalanlarına göz yummuşam, ailəm dağılmasın deyə. Axırıncı dəfə başqa planlarla gəlirdi deyə, ayrılmağa məcbur buraxdı. Çox söhbətlər var, açıqlamıram. Bütün psixologiyamı korlayıb, mənəvi əziyyət edib. Ailə dağıtmırdım, bunu o, istədi, o həddə çatdırdı. Gəl, əl-ələ verək işləyək, bu insan ona da razı deyildi. Məcburam belə insana dözməyə? Kim məni qınayır, başına gəlsin!”

Mina həyat yoldaşının ondan istifadə etməsi ilə bağlı rəylərə də səssiz qalmayıb:
"Sizə doğrunu danışım da. Məndən həyat yoldaşı kimi istifadə edilibsə, qəbulumdu. Sevgilisi olmamışam, qanuni həyat yoldaşı olmuşam. Bu məsələ də qalıb onun kişiliyinə".

Qeyd edək ki, Mina həyat yoldaşı ilə martda ailə qurmuşdu.