Bəhram Bağırzadədən kəskin sözlər: "Psixiatrın yanına gedin"

Hörmətli olmayan qeyri-dostlar! Sizin qəzəbiniz o qədər əvvəldən bilinəndir ki, hətta sizinlə həqiqətən darıxdırıcıdır. Bəlkə sosial mediamı oxumağı dayandırasınız? Niyə özünüzə belə işgəncə verirsiniz? Yoxsa o qədər intellektdən məhrumsunuz ki, öz neqativinizi kiməsə tökmək üçün sadəcə fizioloji istəkləriniz var?

Publika.az xəbər verir ki, bu sözləri Əməkdar artist Bəhram Bağırzadə feysbukda yazıb. Ünvanına yazılan tənqidlərdən bezdiyini deyən aktyor bundan yorulduğunu bildirib:

"Düzünü desəm, bundan bezmişəm. Tək mən yox: Çingiz Abdullayev, Anar, Həmid Həmidov və bir çoxları da daimi çirkab şəlalələrinə və çirkli sellərə məruz qalırlar. Səhifələrimdə nə etdiyimi, hansı dildə yazdığımı, hansı fikirləri paylaşdığımı və necə kreativ olduğumu bəyənmirsiniz? Onda buradan gedin! Daha yaxşısı, psixoloq və ya psixiatrın yanına gedin.

Mənimlə eyni dalğada olan bütün həmfikirlərimə şadam. Qalanları üçün sosial şəbəkələrdəki səhifələrim bağlıdır. Qaranlıq enerjinizi atmaq üçün özünüzə başqa bir yer tapın. Buradan xoş getdiniz".

Məlumat üçün bildirək ki, B.Bağırzadənin müsahibələrinin birində "Bakıya gələn insanlar urbanizasiya prosesini keçə bilmirlər. Görürsünüz, onlar hətta restoranda çox ucadan danışırlar" sözləri böyük müzakirələrə səbəb olmuş və ciddi tənqid atəşinə məruz qalmışdı.