Magazin1

Məşhur aparıcıdan Azərbaycanda ilk - VİDEO

16 Fevral 2023 19:37

Space tv-nin tanınmış aparıcısı Fariz İlyas musiqi karyerasında ilkə ilkə imza atıb.

Publika.az xəbər verir ki, sənətçi ötən il Kiyevdə “İllərin həsrəti” adlı mahnısına çəkilən klipini nəhayət təqdim edib. Televiziya ulduzu bildirib ki, keçən il Ukraynada lentə alınan ekran işi ölkədə müharibənin başlaması ilə əlaqədar gecikib. Lakin Fariz İlyas əmindir ki, klip geciksə də, nəticədə çox maraqlı və orijinal bir iş ortaya çıxıb.

Klipin fərqliliyi isə ondadır ki, qəhrəmanı fərqli obrazda görürük. O, bədənində nadir xəstəlik - çatlar yaranan obrazı canlandırıb. Sevgi həsrəti çəkən sənətçi sonda mahnının sözündə deyildiyi kimi daşa dönüb çatlayır.

Rejissorluğunu Ross Lanenin həyata keçirdiyi ekran işində Farizin qrimini dünya ulduzları üçün mürəkkəb obrazlar hazırlayan çox peşəkar “Mystix space” komandası edib. Mahnının söz və musiqisi “Sheyh Ree” ləqəbli Şəhriyar Ramazanzadəyə aiddir.