"O qız Azərbaycan üzrə "botoks" gözəli ola bilər" - VİDEO

Prodüser və aparıcı Tarix Əliyev (Tolik) verilişində diqqət çəkən açıqlama verib.

Publika.az xəbər verir ki, o, tezliklə şirkət rəhbərləri ilə yaxın münasibətlərdə olan bəzi blogerlərin adlarını üzə çıxaracağını bildirib.

"Yaxında "Best model Azerbaijan 2025" seçildi. Qonşumuz Səkinə xalanın qızı ondan daha gözəldir. O qız Azərbaycan üzrə "botoks" gözəli ola bilər. Belə qaynaqlı qadınları ölkəyə gözəlimiz kimi göstərməyək. Təbii gözəl xanımlarımız var, ancaq onlar model olmayacaqlar. Qalib model adını almaqla bu qadınların hansı qiymət meyarı qalxacaq? Nə dəyişəcək? Bu barədə mövzu qoyaq. Azərbaycanda çox sayda model müsabiqələri keçirilir. Mənşəyi bilinməyən qızlar olur. Əksəriyyəti də gecə klublarından çıxanlar. Bunlar başlarına qoyduğu tacla ciblərindən xərclədikləri pulla efirdə yox, sosial şəbəkədə reklam olunurlar. Onlar bəzi influenserlər kimi qiymət artımına gedirlər. Elə onlardan da danışacağam. Bir çox şirkət rəhbərlərinə digər influenserlərlə bağlı məlumat verib onlarla tanışlıq əlaqələri quran, "makrer"lik edənlər var. Çoxu da qızlardır. Azərbaycanın adından kimisə təqdim etmək heç kimin ixtiyarında deyil. 50 milyonluq xalqıq. Belə qalibi nəyə baxıb seçiblər? Pulladırsa, yaxşı olub ki, 1.50 boylu, süni dodaqlı qızlar model olurlar. Buna da nəzarət etmək lazımdır".

Tolik bu açıqlaması ilə həm izləyicilər arasında maraq yaradıb, həm də media və sosial şəbəkələrdə geniş müzakirələrə səbəb olub.(milli.az)