Tolikdən sərt tənqid: Ölünüzə-dirinizə, atanıza, nəsildəki kişilərə... - VİDEO

Prodüser və aparıcı Tarix Əliyev (Tolik) verilişində sərt və qalmaqallı açıqlamaları ilə gündəmə gəlib.

Publika.az xəbər verir ki, Tolik açıqlamasında konkret ad çəkməsə də, bir müddət əvvəl bacısını itirən müğənni Ülkər Yaşarqızına ünvanlandığı iddia edilən fikirlər səsləndirib.

O, efirdə bəzi müğənnilərin yas mövzusunda qeyri-səmimi davrandığını bildirib.

Aparıcı deyib ki, yaxınını itirən şəxslərin qırxı çıxmamış efirə çıxıb süni göz yaşları tökməsi, axşam isə əyləncə proqramlarında iştirak etməsi yolverilməzdir. Tolik bu cür davranışları kəskin tənqid edərək, ailə və mənəvi dəyərlərə hörmətsizlik kimi qiymətləndirib.

Tarix Əliyev çıxışında bəzi şəxslərin efir xatirinə şəxsi həyatını, ailə münasibətlərini, hətta namus və qeyrət anlayışlarını belə müzakirə mövzusuna çevirdiklərini vurğulayıb:

"Mən öləndən sonra qəbrimin üstünə gəlib veriliş çəkməyin. Qızım, bacım efirə çıxıb ağlamayacaqlar. Ölünüzün 40-ı çıxmayıb, yalandan verilişlərdə ağlayırsınız. Axşam şou-proqrama gedib oynayırsınız. 100 manata görə oynayırsınız, ana-bacı qədrini bilməyənlər. Bəsdirin, verilişdə oyun oynadınız. Bir gün efir üçün mənəviyyatınızı satacaqsınız. Ölünüzə-dirinizə, atanıza, qardaşlarınıza, nəsildəki kişilərə hörmət qoymursunuz. Ərinizdən, gəzdiyinizdən, oturub-durduğunuzdan hamısından efirdə danışırsınız, sonra gəlib yanımda oturub namus-qeyrətdən danışırsınız".

Qalmaqallı açıqlamalar sosial şəbəkələrdə geniş müzakirələrə səbəb olub və müxtəlif reaksiyalar doğurub.(Milli.az)