Magazin1

Saleh Bağırov üsyan etdi: “Biabırçılığı tamaşaçının üstünə atmayın!”

24 Fevral 2026 11:24

Saleh Bağırov yenidən efirlərlə bağlı fikirlərini bölüşüb.

Publika.az xəbər verir ki, teleaparıcı televiziya verilişlərindəki mövcud vəziyyətə münasibət bildirib.

O, efirdə baş verənlərə görə tamaşaçıları günahlandıranlara etiraz edərək deyib:

“Bütün biabırçılığı necə tamaşaçının üzərinə atmaq olar? Tamaşaçının nə istədiyini kim ölçür? İnsanlar normal və keyfiyyətli kontent istəyir. Televiziya lazımsız olsaydı, bu məsələ bu qədər müzakirə olunmazdı. Camaat ailəsi ilə birlikdə baxa biləcəyi efir arzulayır. İllərdir bu barədə danışılır, yazılır, amma heç nə dəyişmir. Televiziyadan bu formada istifadə etmək tamaşaçıya hörmətsizlikdir. İnsanların dünyasına eybəcər şəkildə daxil olub əxlaqsızlıq nümayiş etdirirlər. Bizim gördüklərimizi televiziya rəhbərləri və aidiyyəti qurumlar da görür. Təsadüfi şəxslər efirdə söz sahibi olur. Aparıcılıq sənətinə xələl gətirənlər isə tamaşaçı qarşısında öyünürlər”.