Ülvi Qılıncdan şok ittiham: “Xalq artistini bağda stolun üstünə çıxarıb, sonra…”

“Bizim bəzi müğənnilər düşük, təlxək, yaltaq və yüngüldürlər. 5 manat artıq pul versinlər, görün nə hoqqadan çıxırlar”.

Publika.az xəbər verir ki, bu fikirləri bəzi sənətçi həmkarlarının yolverilməz davranışlarından danışan opera müğənnisi Ülvi Qılınc Yenicag.az-a açıqlamasında səsləndirib.

O, qalmaqallı açıqlaması ilə şou-biznes aləmində diqqət çəkib:

“Bizim bəzi müğənnilər düşük, təlxək, yaltaq və yüngüldürlər. Onlara bir az artıq pul versinlər, görün nələr edirlər. Stolun üstünə çıxarıb rəqs etdirirlər, hətta stolun altında oynadırlar. Mən özüm dəfələrlə bunun şahidi olmuşam.

Elə Xalq artistləri olub ki, onlara hörmətsizlik edilib, hətta təpik vurublar. Bir bağ var idi, bütün müğənniləri ora yığıb istədikləri kimi davranırdılar, hətta yerə uzadırdılar. Deyirdilər ki, ‘müəllim belə istəyir’. Aralarında Xalq artistləri də olub.

Təəssüf ki, bu gün sənət aləmini başqa mühitlə qarışdırıblar. Buna görə də müğənnilərə hörmət azalır. Nə qədər ki, həqiqi sənətkarlar önə çıxmayacaq, bu münasibət də dəyişməyəcək”.