Magazin2

Türkiyəli məşhurlar Azərbaycana başsağlığı verdi - FOTO

15 Sentyabr 2022 07:03

Türkiyənin məşhur sənətçiləri Azərbaycan xalqına başsağlığı verib. Sentyabrın 12-dən 13-nə keçən gecə Ermənistan silahlı qüvvələrinin bölmələrinin Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində törətdiyi genişmiqyaslı təxribat nəticəsində şəhid olan hərbçilərimizə qardaş ölkənin sənətçiləri Allahdan rəhmət diləyiblər.

Publika.az xəbər verir ki, müğənni Hadisə, aparıcı Acun Ilıcalı, aktyor-rejissor Özcan Dəniz, aktyor Şahan Gökbakar, müğənnilərdən Sibel Can, Alişan, Demet Akalın, Sinan Akçıl və başqaları baş verənlərə laqeyd qalmayıb.

Qeyd edək ki, düşmən qüvvələrinin diversiya qrupları qaranlıq vaxtında ərazinin dağlıq relyefi və mövcud dərə boşluqlarını istifadə edərək müxtəlif istiqamətlərdə Azərbaycan Ordusunun bölmələrinin mövqeləri arasındakı əraziləri və təminat yollarının minalanmasını həyata keçirib. Yaranan vəziyyətin qarşısının alınması məqsədilə bölmələrimiz tərəfindən görülən təxirəsalınmaz tədbirlər nəticəsində döyüş toqquşması baş verib. Genişmiqyaslı təxribatın qarşısı alınarkən Azərbaycan Ordusundan 42, Dövlət Sərhəd Xidmətindən isə 8 hərbi qulluqçu olmaqla ümumilikdə Silahlı Qüvvələrin 50 hərbi qulluqçusu şəhid olub.