Türkiyənin ən zəngin məşhuru görün kimdir - FOTO

Məşhurların var-dövləti və seriallarda hər bölüm üçün nə qədər qazandıqları ilə bağlı xəbərlər sosial mediada həmişə maraqla qarşılanır.

Publika.az "Celebsrevealed.com"a istinadən xəbər verir ki, dəbdəbəli həyatları ilə diqqət çəkən Kıvanç Tatlıtuğ, Serenay Sarıkaya, Hande Erçel, Can Yaman və Meryem Uzerli ölkənin ən varlı ulduzları hesab olunurlar.

“Ailə” serialında “Devin” obrazını canlandıran aktrisa Serenay Sarıkaya siyahıda 5-ci yerdə qərarlaşıb. Sarıkayanın sərvəti 6 milyon dollar, yəni 186 milyon TL-dir (təxminən 10 milyon 200 min manat).

Son zamanlar şəxsi həyatı ilə gündəm olan Hande Erçel siyahıda dördüncü sırada yer alıb. Erçelin sərvəti 8 milyon dollar və ya 249 milyon TL-dir (təxminən 13 milyon 600 min manat).

Siyahının üçüncüsü Can Yamandır. Son zamanlar jurnalistlərlə polemikaları ilə gündəmə gələn Yamanın düz 10 milyon dollar, yəni 311 milyon TL (təxminən 17 milyon manat) sərvəti var.

İkinci yerdə Meryem Üzərli qərarlaşıb. “Möhtəşəm Yüzyıl” serialındakı Hürrəm Sultan obrazı ilə yadda qalan Üzərlinin sərvəti də 10 milyon dollar, yəni 311 milyon TL-dir (təxminən 17 milyon manat).

Siyahının lideri “Ailə” serialındakı “Aslan” obrazı ilə böyük rəğbət toplayan Kıvanç Tatlıtuğdur. Tatlıtuğun sərvəti 15 milyon dollar, yəni 466 milyon TL-dir (təxminən 25 milyon 500 min manat).