"Dəli Maks"ın ulduzu 76 yaşında VƏFAT ETDİ

Aktyor, kaskadyor, məşhur döyüş sənətçisi, rejissor, prodüser, kaskadyor koordinatoru və xoreoqraf Riçard Norton martın 30-da Avstraliyanın Melburn şəhərində 76 yaşında vəfat edib.

Publika.az xəbər verir ki, ulduzun ölüm xəbəri onun IMDb saytındakı rəsmi profilində dərc olunub.

1950-ci ildə Yeni Cənubi Uelsdə anadan olan Riçard Norton kino dünyasını fəth etməzdən əvvəl döyüş sənətlərində təsirli karyera qurmuşdu. Bu zəfər onun üzünə cangüdənlik peşəsinin qapılarını açıb və yalnız bundan sonra kinematoqrafiyanın zirvəsinə yüksəldi.

Döyüş sənəti həvəskarları Nortonu ilk dəfə 1970-ci illərdə ekranda görüblər. Onun istedadı və bacarığı “Səkkizbucaqlı”, “Spartak: Qan və Qum”, “Dəli Maks: Qəzəbli Yol” və “Furiosa: Dəli Maks Salnamələr” kimi məşhur layihələrdə nümayiş etdirilib. Kinoda səmərəli fəaliyyət göstərdiyi illər ərzində bu görkəmli xoreoqraf təxminən iyirmi mükafata və nominasiyaya layiq görülüb.

Qeyd edək ki, Riçard Nortonun hansı şəraitdə öldüyü açıqlanmayıb.

Hüseyn İbadlı