Adriana Limanın gənclik sirri açıldı: Üzündə hansı əməliyyatlar aparılıb? - FOTO

Adriana Limanın xarici görünüşündəki dəyişikliklər plastik cərrahiyyə iddialarını yenidən gündəmə gətirib.

Publika.az “Qazeta.ru”ya istinadən xəbər verir ki, cərrah Aleksandr Katkov 45 yaşlı supermodelin görünüşündə bir sıra estetik müdaxilələrin izlərini gördüyünü bildirib.

Onun sözlərinə görə, Limanın qaşlarının forması və vəziyyətindəki dəyişiklik endoskopik alın dartılmasına işarə edə bilər. Həkim qeyd edib ki, bu əməliyyat zamanı dəridə 1,5-2 santimetrlik 3-4 kiçik kəsik edilir və endoskopik avadanlıq sayəsində böyük çapıqlara ehtiyac qalmır.

Cərrah modelin burnundakı dəyişikliklərə də diqqət çəkib. Onun fikrincə, burun körpüsünün daha ensiz görünməsi rinoplastika ilə bağlı ola bilər. Burun ucundakı plastika isə onun proyeksiyasını və burunla üst dodaq arasındakı bucağı dəyişə bilər.

Katkov, həmçinin Limanın yanaq sümüklərinin altındakı çökəklikləri vurğulayaraq, bunun Bişa yumrularının götürülməsi ilə əlaqəli ola biləcəyini deyib.

Cərrah əlavə edib ki, sadaladığı estetik müdaxilələrin hamısını bir əməliyyat zamanı həyata keçirmək mümkündür.

Publika.az