NASA-nın helikopteri Marsda rekord sürət yığdı - FOTO/VİDEO

"Ingenuity" helikopteri Marsda üçüncü sınaq uçuşunu gerçəkləşdirərkən rekord sürət yığıb - saatda 7 km.

Publika.az xəbər verir ki, bu barədə NASA məlumat paylaşıb. Bildirilib ki, helikopter həmçinin rekord məsafə qət edib.

Bazar günü Ingenuity ikinci sınaqda olduğu kimi 5 m yüksəkliyə qalxıb, o, 50 m məsafəyə (təxminən bir futbol meydançasının yarısı) uçub və maksimal sürət - saniyədə 2 metr (7 km/saat) sürət yığa bilib.

NASA-nın məlumatına görə, Marsdakı üçüncü sınağında göstərdiyi nəticə Ingenuity-nin Yerdə çıxdığı bütün sınaqlardan daha yüksəkdir.

Qurumun saytında helikopterin uçuşu ilə bağlı şəkillər yerləşdirilib. Birində onun uçuşu, digərində isə uçuş zamanı çəkdiyi şəkil təsvir olunub.

Ingenuity aprelin 19-da Mars səthində ilk sınağını bitirib. Həmin gün o, planetin səthindən 30 saniyə ərzində 3 m yüksəyə qalxmışdı.

With 2 flights down & up to 3 to go – our Ingenuity MarsHelicopter is soaring to new heights!

Find out how @NASAJPL engineers communicate with the helicopter in this new episode of our #GravityAssist podcast with Chief Scientist Jim Green: https://t.co/beguKQFWtz pic.twitter.com/anaCSDqZ7p

— NASA (@NASA) April 24, 2021