"Qarınlı" kişilər ailəsini bu cür dolandırır

Rus qadın çinlilərin qəribə vərdişlərindən danışıb.

Publika.az xəbər verir ki, rusiyalı səyahət bloggeri çinli kişilərin küçədə qarnıaçıq şəkildə gəzməklərindən danışıb. O, öz müşahidələrini Zen platformasında “Bura sənin olduğun yer deyil” adlı bloqda paylaşıb.

Müəllif qeyd edib ki, Çin küçələrində sinələrinə qədər bükülmüş köynəkli kişilərə tez-tez rast gəlmək olar. Tanıdığı çinli qadın ona başa salıb ki, onların kişiləri istidən belə xilas olur: “Dövlət bununla mübarizə aparır, təbliğat gedir, deyirlər ki, Qərbdə bizə gülürlər, bu, mədəniyyətsizlikdir".

Bu vərdiş kilolu kişilər arasında da geniş yayılıb. “Əgər onun qarnı böyükdürsə, bu o deməkdir ki, ailəsini dolandıra bilər”, - çinli qadın izah edib.

Çin kişilərinin başqa bir xüsusiyyəti də var - çeçələ barmağın dırnağını uzadırlar. Rus bloqqer qeyd edib ki, bu, "rahatlıq üçün" istifadə olunur.

"Ümumiyyətlə, bəzən çinlilərdən heç nə soruşmamaq daha yaxşıdır, əks halda cavab çox təəccüblü ola bilər" deyə müəllif istehza ilə vurğulayıb.

Mehti Kamiloğlu