Cütlüyün gələcəkdə ayrılacağını öncədən bilir - 15 dəqiqə bəsdir ki...

Evlilik üzrə ekspert Con Qotman Vaşinqton Universitetinin nəzdində yaratdığı labaratoriyada 700-ə yaxın evli cütlüyü 40 ildir ki, müşahidə etdiyi nəhəng elmi araşdırma aparır.

Publika.az xəbər verir ki, bu sözləri pəşəkar münasibət və boşanma kouçu Kama Əhməd deyib. O, bildirib ki, araşdırmaların nəticəsində Con Qotman evli cütlüklərin boşanıb boşanmayacağını 95% ehtimalla doğru proqnozlaşdırır.

Qotmanın "apokalipsisin dörd atlısı" adlandırdığı 4 boşanma proqnozozu var:

1. Tənqid(şəxsiyyəti alçaltma)
2. Özünümüdafiə (defensiveness)
3. Hörmətsizlik/ikrah(contempt)
4. Divar hörmə/Susaraq cəzalandırma, yox saymaq ("stone walling")

Qotmanın sözlərinə görə, qadınlar daha çox tənqid edir, "yox saymaq" isə kişilərə xas göstəricidir. Mütəxəssis bildirib ki, boşanma olub-olmayacağı barədə proqnoz vermək üçün evli bir cütlüyün 10-15 dəqiqəlik söhbətini müşahidə etmək kifayət edir. O, əlavə edib ki, cütlüyün ünsiyyətində bu göstəricilərdən biri və ya bir neçəsi müşahidə olunarsa, evlilik boşanmaya məhkumdur. Evliliyinizdə bu dörtlükdən hansı mövcuddur?