Ruhu sakitləşdirməyin 5 yolu

Ağır iş günündən sonra istirahət etməyin bir neçə yolu var. Məsələn, gündəlik yazmaq, rəqs etmək və daha parlaq gələcək haqqında fantaziyalar qurmaq kömək edə bilər. Çətin iş günündən sonra evə qayıdarkən əlinizə dəftər və qələm götürün. 15 dəqiqə ərzində diqqətinizi yayındırmadan hər şeyi kağıza köçürün: təcrübələrinizi, mənfi emosiyalarınızı, hisslərinizi və gün ərzində başınıza gələn situasiyaları.

Publika.az xəbər verir ki, bu sözləri psixoloq Olqa Sverdlık bu barədə Lenta.ru-ya müsahəsində deyib.

Psixoloq əlavə edib ki, bütün emosiyalarınızı təfərrüatlı şəkildə təsvir etməlisiniz, lakin onları təhlil etməyin və qrammatik qaydaara ciddi fikir verməyin. Yazdıqdan sonra vərəqi atmaq və ya gizli bir yerdə saxlaya bilərsiniz.

"Rahatlamağınıza kömək edən ikinci üsul rəqs terapiyasıdır. Bunu etmək üçün sadəcə musiqini qoşmaq, rəqs etmək niyyətini formalaşdırmaq və mənfi cəhətlərdən xilas olmaq lazımdır. Bu vəziyyətdə yorğunluğu aradan qaldırmaq üçün özünüzü tamamilə sərbəst buraxmalısınız", - ekspert qeyd edib.

Psixoloq həmçinin heç bir problemin və yorğunluğun olmadığı vaxtlarda təxəyyülün köməyi ilə "Parlaq Gələcək" praktikasını həyata keçirməyi tövsiyə edib. Bunu etmək üçün bir kağız parçası və qələmdən istifadə etməlisiniz - bütün problemlərin necə həll edildiyini təsvir edin. Bu praktika sizə güc və motivasiya verəcək.

Bundan başqa psixoloq hər kəsə özünü dinləməyi və sevməyi məsləhət görür. Gün ərzində vəziyyətinizə diqqət yetirmək son dərəcə vacibdir. Özünüzlə necə davrandığınıza diqqət yetirin. Özünüzə vaxt tapmağı, fasilə, nahar, istirahət etməyi unutmayın. Həyatınızda nə isə alınmayanda, ona necə reaksiya verdiyinizi təhlil edin, özünüzü danlayırsınız və ya əksinə, dəstək olursunuz? Ətrafınızdakı insanların münasibəti də sizin özünüzə olan şəxsi münasibətinizdən, necə hiss etdiyinizdən asılıdır.

Ən nəhayət, xoş, rahatlaşdırıcı vanna qəbul edin və ya dadlı efir yağları istifadə etməyə çalışın. Bundan sonra yorğunluğun nə qədər tez keçdiyini, bədənin dincəldiyini və yeni güc topladığını hiss edəcəksiniz. Axşam qaçışı və ya sadəcə təmiz havada gəzinti də fikirlərinizi təmizləməyə, obsesif düşüncələrdən qurtulmağa kömək edir və özünüzlə tək qalmaq imkanı verir. Həmçinin, bu əyləncə sağlamlığınızı qorumaq üçün əla bir yoldur.

Aytən Məftun