Bu 3 şeyi etməlisən! - Əgər xoşbəxt olmaq istəyirsənsə

"Xoşbəxtlik hormonları" adlandırılan endorfinlər özümüzü daha yaxşı hiss etməyə kömək edir, həzzi artırır, ağrı və narahatlığı azaldır. Məlum olub ki, bir sıra sadə hərəkətlər orqanizmdə endorfinlərin miqdarını artıra bilər.

Publika.az xəbər verir ki, endokrinoloq-dietoloq Polina Jarkova xoşbəxtlik hissini artırmağın yollarından danışıb. Onun sözlərinə görə, daim hərəkətdə olmaq bu yolda birinci və ən vacib şərtdir.

Hərəkət edin

Hər hansı fiziki fəaliyyət "xoşbəxtlik hormonlarının" istehsalına kömək edir. Gün ərzində sizə zövq verən istənilən idman növü ola bilər: qaçış, rəqs, çəki məşqləri, tennis, futbol, ​​voleybol. Hətta boks kimi idman növləri də eyni təsirə malikdir. Axşam isə yoqa, meditasiya və nəfəs məşqləri kimi rahatlaşdırıcı üsullara üstünlük vermək məqsədəuyğundur, çünki yatmazdan iki saat əvvəl həddindən artıq fiziki fəaliyyət yuxunu poza və stressi artıra bilər.

Düzgün qidalanın

Nə qədər sadə səslənsə də, balanslaşdırılmış pəhriz stress zamanı bədəni dəstəkləməyə kömək edəcək. Ancaq şirniyyat yemək istəyi əksinə, kortizol istehsalının artmasına səbəb olacaq. Elə qidalar var ki, depressiv pozğunluqların və demensiyanın inkişaf riskini azaldır - bunlar polifenollarla zəngin qidalardır. Belə qidalara banan, tünd şokolad, lif, yaşıl çay, təbii fermentləşdirilmiş məhsullar, duzlu kələm, kombuça, kimçi, kefir və qatıq daxildir.

Stress mənbəyini minimuma endir

Münasibətdə problemlər, yüksək iş təzyiqi, maddi çətinliklər və fiziki ağrılar "qıcıqlandırıcı" rolunu oynaya bilər. Stressi tətkiləyən amilləri müəyyən edin və mənfi düşüncələr üzərində dayanmayın. Yeni hobbi, dostlarla görüşmək və ya heyvanlarla ünsiyyət stress səviyyələrini dəyişməyə və azaltmağa kömək edə bilər.

Əgər təkbaşına öhdəsindən gələ bilmirsənsə, psixoterapevtlə əlaqə saxlamalısan. Həkim sizə rahatlama üsullarını öyrənməyə kömək edəcək və ya lazım gələrsə, terapiya təyin edəcək.

Aytən Məftun