Bizi nə gözləyir? - Stalin və özünün ölüm gününü deyən Volf Messinqin PROQNOZLARI

SSRİ-nin ən məşhur və mübahisəli simalarından biri olan Volf Messinq İosif Stalinin ölümündən tutmuş, İkinci Dünya Müharibəsinin bitdiyi tarixə qədər bir çox hadisənin proqnozunu verib. 20-ci əsrin ən sirli adamlarından biri olan Volf Qriqoryeviç Messinqin şəxsiyyəti həm sadə insanların, həm də dövlətin birinci şəxslərinin marağına səbəb olub. Belə ki, hətta İosif Stalin belə onun ölümünü proqnozlaşdıran kahinin öngörücülük qabiliyyətlərini yoxlamaq üçün şəxsən Messinqlə görüşüb. Maraqlıdır ki, kahinin öz qabiliyyətlərini ekstrasensor hesab etmirdi, lakin onların müasir elm baxımından izah edilə biləcəyini iddia edirdi. O, inanırdı ki, insanların "əzələlərini oxumaq" ona düşüncələrini və niyyətlərini proqnozlaşdırmağa imkan verir. Bəs o, başqa daha nələrin proqnozunu vermişdi. Gəlin birlikdə xatırlayaq...

Publika.az bu yazıda oxucuları kahinin artıq reallaşan və bizi gözləyən öngörüləri ilə tanış edir.

İkinci dünya müharibəsinin sonu

İkinci Dünya Müharibəsi illərində Almaniyadan qaçan Messinq Novosibirskə təxliyə edilir və burada o, öz bacarıqlarını nümayiş etdirərək, tamaşaçılar qarşısında keçmiş, indi və gələcək haqqında çıxışlar edir. 1943-cü ildə sessiyaların birində Volf Qriqoriyeviçə müharibənin bitmə tarixi ilə bağlı sual verildikdə, görücü ili göstərməsə də, dediyi gün dəqiqliyi ilə düz çıxır. Bu, sözsüz ki, ona böyük şöhrət və məşhurluq gətirdi.

Bundan əlavə, Messinq İosif Vissarionoviç Stalinin ölüm tarixini də proqnozlaşdırmışdı - 1953-cü ildə görücü sovet siyasi liderinə müraciət edərək həmin ilin martın 5-də öləcəyini söylədi. Volf Qriqoryeviçin proqnozu gerçəkləşdi - göstərilən tarixdə İosif Stalin rəsmi iqamətgahında olarkən beyin qanamasından öldü.

Pandemiya

Görücü həmçinin infeksiyaların yayılması ilə bağlı proqnozlar verib. Messinq bildirib ki, 2020-ci ildə dünya bütün planetə təsir edəcək, qlobal böhrana səbəb olacaq və yalnız 2022-ci ilin sonunda bitəcək genişmiqyaslı “yeni xəstəlik” pandemiyası ilə üzləşəcək.

Hazırda bu proqnozun həqiqiliyini yoxlamaq mümkün deyil, lakin Ümumdünya Səhiyyə Təşkilatı (ÜST) ümid edir ki, “Omicron”un yayılmasından sonra yeni koronavirus ştammları görünməzsə, COVID-19 pandemiyasının bu ilin sonuna qədər sona çatacaq.

Dünya iqtisadi böhranı və sonrakı münaqişələr

Volf Messinq 2020-ci illərdə dünyanı gözləyən çətinliklərdən də dəfələrlə söz açıb. Görücü genişmiqyaslı iqtisadi böhranlarını proqnozu verərək bildirib ki, bunun nəticəsində dövlətlər arasında münaqişələr yaranacaq. Fikir ayrılıqlarının “əsas təhrikçiləri” kimi Messinq ABŞ-ı göstərib. Bununla belə, kahin qeyd edib ki, birgə səylər sayəsində ölkələr münaqişəni dayandıra və genişmiqyaslı toqquşmalardan qaça biləcəklər.

Görücü dəqiq hansı fəlakətlər olacağını deməsə də, iddia edib ki, həm Rusiyaya, həm də bütün dünyaya təsir edəcək təbii fəlakətlər və digər böhranlar baş verəcək. Lakin onu da əlavə edib ki, bütün bunlar elmin inkişafı və təhsil keyfiyyətinin yüksəldilməsi sayəsində bütün çətinliklərin ciddi itkilər olmadan başa çatacaq.

Rusiyanın xarici və daxili siyasətindəki dəyişikliklər

Volf Qriqoryeviç Rusiyanın gələcəyi ilə bağlı nikbin düşünürdü. O, ölkənin xarici və daxili təhdidlərin, iqtisadi problemlərin öhdəsindən gələ biləcəyini və öz maraqlarını müdafiə edə biləcəyini, habelə beynəlxalq arenada sülhməramlı rolunu gücləndirəcəyini söyləyib. O, öngörülərində ölkənin artan nüfuzu, iqtisadi islahatlar və müsbət geosiyasi dəyişiklikləri də vurğulayıb.

Öz ölümü

Bəlkə də Messinqin ən məşhur və kədərli proqnozlarından biri öz ölümü ilə bağlı öngörüsü idi. Ayağındakı problemdən əziyyət çəkən Volf Qriqoryeviç 76 yaşında əməliyyata göndərildi və getməzdən əvvəl evinə son dəfə baxıb bu sözləri dedi: "Bir daha bura qayıtmayacaqsan". Əməliyyatın uğurlu keçməsinə baxmayaraq, 8 noyabr 1974-cü ildə Messinq böyrək çatışmazlığından və ağciyər ödemindən sonra vəfat etdi. Həkimlər iddia edirdilər ki, hadisələrin belə bir nəticəsi hər kəs üçün böyük sürpriz olub, lakin göründüyü kimi, görücü öləcəyini bilirdi.

Volf Messinq inanılmaz populyarlığını bu gün də qoruyub saxlayıb, insanlar onun heyrətamiz tərcümeyi-halını araşdırmağa, proqnozlarını və tarixi faktları müqayisə etməyə və ifadələrini təhlil etməyə davam edirlər. Bununla belə, görücünün vergisini uydurma hesab edənlər də var, həmçinin xatırladırlar ki, Volf Qriqoryeviç onun hər hansı fövqəltəbii qabiliyyətə malik olduğunu inkar edib. Bu və ya digər şəkildə, Messinq şəxsiyyəti bu günə qədər 20-ci əsrin tarixində ən mübahisəli şəxsiyyətlərdən biri olaraq qalır, insanlar gələcəyə baxmaq və onları nəyin gözlədiyini öyrənmək üçün təkrar-təkrar onun proqnozlarına müraciət edirlər.

Aytən