MDB

Rusiya federal büdcəsində kəskin profisit yaranıb - STATİSTİKA

12 Sentyabr 2022 17:03

İlkin hesablamalara görə, 2022-ci ilin yanvar-avqust aylarında Rusiyanın federal büdcəsinin profisiti 137,4 milyard rubl təşkil edib, büdcə gəlirləri isə 17,6 trilyon rublu ötüb.

Publika.az "kommersant.ru" saytına istinadla xəbər verir ki, bu barədə Maliyyə Nazirliyinin statistik məlumatında əks olunub.

Bu dövrdə büdcə xərcləri təxminən 17,5 trilyon rubl təşkil edib ki, bu da cari il üçün təsdiq edilmiş federal büdcənin ümumi xərclərinin 73,7 faizini təşkil edir. Büdcə gəlirləri 17,6 trilyon rubl təşkil edib və bu da ümumi gəlirlərin 70,4 faizi deməkdir.

Büdcəyə daxilolmaların böyük hissəsi Federal Vergi Xidməti xətti ilə həyata keçirilib. FVX dövlətə təxminən 12,2 trilyon rubl göndərib. İkinci yerdə 4,3 trilyon rublluq köçürmə ilə Federal Gömrük Xidməti qərarlaşıb. Digər federal qurumlar isə təxminən 1 trilyon rubl köçürüb.

Rövşən Ziya