MDB

Lavrov iranlı həmkarı ilə regional məsələlərdən danışdı

13 Mart 2023 22:48

Rusiya və İranın xarici işlər nazirləri Sergey Lavrov və Hüseyn Əmir Abdullahian arasında bazar ertəsi telefon danışığı baş tutub.

Publika.az xəbər verir ki, bu barədə Rusiya XİN-in mətbuat xidmətindən bildirilib.

"İkitərəfli gündəlikdə duran bir sıra məsələlər müzakirə edilib. Tərəflər Rusiya-İran çoxşaxəli əməkdaşlığının inkişafında müsbət dinamikanın gücləndiyini qeyd ediblər. Ölkələrimizə qarşı qeyri-qanuni birtərəfli sanksiyalara baxmayaraq, ticarətin rekord səviyyədə olmasından məmnunluq ifadə olunub.

XİN rəhbərləri aktual regional və beynəlxalq məsələlər ətrafında fikir mübadiləsi aparıblar. Yaxın koordinasiyanın davam etdirilməsində, o cümlədən iki nazir arasında gözlənilən görüşlər çərçivəsində qarşılıqlı maraq təsdiq edilib", - deyə mətbuat xidmətindən bildirilib.

Rusiya Xarici İşlər Nazirliyi əlavə edib ki, telefon danışığı İran tərəfinin təşəbbüsü ilə baş tutub.